Kindlehill School
Olá amigos, cumprindo cos nosos obxectivos conseguimos tomar contacto con un cole da Austrália. Un cole do lugar mais afastado do noso mundo sudeuropeu e atlántico. Eles enviaronos primeiramente unha imaxen do seu cole, chamado Kindlehill School e situado nun lugar do seu país chamado, Wentworth Falls no estado de New South Walles, ou traducido para nós: Nova Gales do Sul. Ese cole tería moito que nos ensinar pois ali aprenden cestaria, a traballar con teares, cousa que as nosas avoas deixaron de facer xa hai décadas, que nós non lle damos valor pero que ten unha utilidade inmensa, pois eles fan os seus gorros de inverno con tinxido de lás, tecidos de algodon e feltro; traballan as ortas onde aprende todo o relativo ás plantas, cociñan o seu "morning tea", unha especie de almorzo que equivaleria á nosa merenda do recreio...pero cociñado por eles! Poñeno na mesa e petiscan, conversan entre todos. Teñen unha pequena granxa con galiñas para teren ovos e para aprender dos animais... Os nenos deste cole fan os seus propios xoguetes con madeira e con diversos tecidos. Aprenden as mesmas materias de estudo que temos en Lóvios pero a forma de aprender é xogando. As táboas de multiplicar aprendenas debuxandoas nunha tea dun cadro que fan eles.
Enviannos un video onde aparecen bailando e dandolle a benvida á primavera, que para eles é xusto cando nós comezamos o outono..... Vedes que é noite para que podan asistir os pais e toda a comunidade educativa.
Aqui acima temos a foto do cole primeiramente ainda que nas fotos inmediatamente debaixo hai unha foto dos nenos no seu obradoiro de tecido. Aprenden a elaborar a sua propia roupa nenos e nenas...
A outra foto é un cadro feito con acuarelas onde están representadas as tábos do 8 e do 9...
Nestas fotos que temos enriba deste texto temos as aulas de deseño libre á esquerda e onde os nenos decoran o seu cole. Á esquerda os alumnos están elaborando o seu "morning tea". Eles mesmos recollen a fruta da orta do cole e preparan uns petiscos para a media maña moi saborosos, naturais e totalmente libres de pesticidas.
Os nenos ao traballaren na sua orta teñen que plantar, remexer a terra, facer pequenos viveiros con vasiños onde plantan todo aquilo que queren estudar e comer...
Na foto de arriba á esquerda temos outra foto do traballo nos teares. A vida na natureza é priorizada neste cole. En Lóvios valorizamos ainda moito a vida urbana tendo nós moito potenciar para facer estas cousas que fan estes nosos novos amigos porque somos do rural e aqui o rural sempre foi a nosa vida e a nosa forma de entender as cousas. Porque será que todos valorizan a vida natural e outros queren a vida urbana ainda que esta só nos achegue problemas de saúde e de inadecuación? A vida urbana só nos achega comodidade material, pero non nos achega auténtica cualidade de vida...
Nesta foto que nos envian nos presentan un dia de actividades coa familia. Nesta comunidade educativa, os papás teñen moito protagonismo. Os papás preocupanse dos seu nenos e nenas até o ponto de iren ás aulas con eles moitas veces. Os fillos son o mais importante de vida, incluso mais importante que o traballo e o diñeiro. Nestas reunións os papás partillan xogos cos nenos e con outros papás, relacionanse entre eles e ven o difícil que é ensinar. Os profes son valorizados e situados nun lugar de respecto no que non inclue o medo á autoridade senón un aceptar as suas formas de facer as cousas e un deixar usar unha metodoloxia que non é discutida porque son eles os profisionais que saben....como non se lles discute aos médicos as suas decisións, ou a calquer outro profisional...
A foto de arriba é a dun recreo onde os nenos xogan en espazos libres e abertos durante os momentos de descanso.
Se reparamos na paisaxe australiana, podemos ver que hai moitos eucaliptos, especie típica dese país. Se levasemos daqui para aí, o nosos toxos ou carballos probabelmente haberia un desequilibrio ecolóxico importante porque as nossas especies non encaixarian aí para nada....como non encaixan aqui os eucaliptos ocasionando aqui ese problema do que falamos.
Abaixo os nosos amigos nos dedican este vídeo de presentación no que están a bailar a danza circular de benvinda da primavera. Todos vesten de cores terrosas e verdes e entre todos saúdan a chegada do sol. Algo ancestral. O sol é un elemento de respecto....e os galegos na nosa cultura popular e ancestral temos o sol como algo fundamental.
Que facemos as nenas e os nenos de Lóvios para cultivar, traballar, respectar, practicar e coñecer os nosos costumes ancestrais relacionados co entorno e coa nosa natureza? Respectamos a nosa natureza? Porque é bon que a nosa cultura milenar teña para nós o valor debido?
"Look to the new day sun"
Winter's night closing song and circular dancing
Kindlehill School
8 Lake Street, Wentworth Falls NSW Australia
